دورة ((بقلمى)) الموضوع التمهيدى

استعرض الموضوع السابق استعرض الموضوع التالي اذهب الى الأسفل

دورة ((بقلمى)) الموضوع التمهيدى

مُساهمة من طرف fares_al_sonaa20 في الثلاثاء نوفمبر 29, 2011 12:36 pm

حاجه جميله جدا....... انك تلاق مواضيع فى بعض المنتديات .....بجد مواضيع فى غاية الروعه و يشدك العنوان و تفضل تقرى و تقرى و انتا فى غاية الاستمتاع......لدرجة انك ممكن تجيب ورقه و قلم علشان تكتب بعض المعلومات لمهمه ف المقال ......و تفضل تقراه و يمكن يكون المقال طويل بس انتا مستمتع بيه للغايه و يمكن الوقت بيروح منك و انتا مش حاسس بالوقت اصلا ..و يمكن تكون كوباية الشاى جمبك بردت و انتا مش حاسس بيها ابدا......و يمكن التليفون جمبك بيرن وانتا مش راضى ترد .....و يمكن تكون اصلا دخلت النت علشان حجات تانيه بس من كتر ما المقاله جميله مش بتكون فاكر الحجات التانيه اللى وراك....كوووووووول ده .لأنك فى غاية الاستمتاع بالمقال .......و ف خلال ما انتا بتقرى المقاله الممتعه دى و بتكون استفدت منها كتير و بجد منبهر بيها للغايه......و فجأه و على حين غفلة من أهلها تلاقى كلمه غريبه جدا تحسسك ان الوقت فعلا ضاع منك....و تفكرك بكوباية الشاى اللى بردت و تندم عليها.....و تلاقى نفسك بتمسك الموبايل علشان ترد على الناس اللى كانو بيرنو عليك....و فجأه تفتكر كل الحجات اللى كنت نسيها و انتا بتقرى المقال
يا ترى ايه هيا الكلمه دى؟
الكلمه دى هيا ((منقووووووووووووول))
و قبل ما اى حد يقولى و فيها ايه يعنى ؟ او يقولى دا احنا بننقل الكلام دا للفائده ؟ او حد يقولى امال انتا عاوزنى انقل الكلام و اقول انو بتاعى ؟
قبل ما اى حد يقولى كل الكلام ده و يعارضنى ......انا عاوز اقول فكرتى
الحاجه اللى بستغرب منها .....هوا ليه كده؟.....ليه بننقل الكلام بتاع غيرنا ؟ ليه مش بندى فرصه لنفسنا اننا نكتب كلامنا بإدينا ؟ ليه مش بنفكر اننا نكتب اللى بيدور جوانا ...جوا عقلنا ...جوا قلبنا؟
ليه مصممين اننا نستخبى ورا كلام غيرنا؟.........مش كفايه؟
لو كانت اجابتك ....ايوه فعلا كفايه........او لو كانت اجابتك لا مش كفايه لانى مش بعرف اكتب مقاله كويسه........يبقى ضرورى و لازم انك تتابع المقاله اللى جايه _ليا انا_ و نشوف مع بعض
ازاى نكتب مقاله كويسه؟.......ازاى لما تكتب مقاله و تنتهى من كتابتها تحس انك فرحان بجد....و زى ما بيقول بعض الكتاب ....تحس ان بقى ليك ابن جديد.............كل اللى عاوز أقوله ان المقاله اللى جايه .....او مجموعة المقالات اللى جايه.....هنعرف من خلالها ازاى نكتب مقاله كويسه ((بإدينا احنا))
و كل المطلوب منك انك تقرى المقالات اللى جايه.....و لو فى سؤال تكتبو فى ردك على الموضوع....و نحاول مع بعض يبقى ((كلامنا بإدينا))
................حياتى قبل تحياتى...............و السلام عليكم و رحمة الله و بركاته


عدل سابقا من قبل fares_al_sonaa20 في الجمعة ديسمبر 02, 2011 12:07 am عدل 1 مرات

fares_al_sonaa20

عدد المساهمات : 61
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دورة ((بقلمى)) الموضوع التمهيدى

مُساهمة من طرف حياة جديدة مع الله في الثلاثاء نوفمبر 29, 2011 1:03 pm

وعليكم السلام ورحمه الله وبركاته

لا شك ان الموضوع مهم وان من اكبر الاخطاء اننا نقول مش قدرين مش عرفين طول مااعتقدى مش عارفه عمرى ماهوصل لشئ
ممكن نكتب ويطلع وحش وممكن نكتب ويطلع منه اجزء مفيده
اترك الحكم للاخرين فقط ابدا وتاكد مهما كان الموضوع مش مرتب وحش اكيد الاخرين هيحترمو جداا كلمه بقلمى
كما هم يحترموا ايضا كلمه منقول ممايدل على صدق الناقل وانساب
الاعمال الى صاحبها
وانا اسجل متابعتى لباقى الموضوع لاهميته
جعل الله جميع اعمالكم خالصه لوجهه الكريم وثقلا بميزان حسناتكم
وعذرا على الاطاله
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى