دورة ((بقلمى)) الموضوع الأول ((كيف تختار موضوعك))

استعرض الموضوع السابق استعرض الموضوع التالي اذهب الى الأسفل

دورة ((بقلمى)) الموضوع الأول ((كيف تختار موضوعك))

مُساهمة من طرف fares_al_sonaa20 في الثلاثاء نوفمبر 29, 2011 7:08 pm


بسم الله و الحمد لله و الصلاة و السلام على رسول الله و على اله و صحبه و من والاه : أما بعد

فهذا هو الموضوع الاول فى دروة ((بقلمى)) و غرض هذه الدورة مساعدة الأعضاء على كتابة مواضيع جيده و ((غير منقوله)) و هذا مقصد نبيل نسعى اليه و نسال الله ان ينولنا إياه ((امين امين امين))

و لا أفشى سرا ان قلت أننى كنت سأعرض فى البداية مجموعة من المصطلحات المعقده و أشرحها و أفصلها و انقل شروح الكتاب و الصحفيين لهذه المصطلحات و لكنى ما أحببت ذلك لسببين :


الأول : أننى ما أحب التعقيد و التفلسف فى الأمور

الثانى : أننا هنا لا نبحث قواعد و قوانين كتابة المقال الصحفى ((بالطبع لا)) إنما نبحث عن قواعد لكتابة موضوع على الإنترنت ليس أكثر .......لذلك فلندخل بسرعة إلى موضوعنا :

((كيف تختار موضوع جيد ))

يقول علماء فن الإلقاء و التخاطب انو مش كل موضوع ينفع الناس تعجب بيه
او يأثر ف الناس ….علشان كده قوتك ف القائك تكمن فى قوتك فى اختيارك الموضوع المناسب …طيب ازاى اختار ؟ و الاجابه هيا ان فى مقومات اساسيه لاختيار الموضوع و يمكن اهمها :


1/اختيار الموضوع حسب قوتك العمليه ف الموضوع: لانو مينفعش افضل اتكلم اتكلم ف موضوع انا مش عارف عنو غير كلمتين لان دا هيخليك قدام الناس فى صوره مش كويسه خاااااااالص..و يمكن علشان كده دا سر كلمة ((لا ادرى)) او ((معرفش)) بمعنى لو مش عارف الموضوع اللى انتا هتتكلم فيه كويس أحسن ليك متتكلمش و دا بيفكرنى بقصة عالم كبير كانت الناس بتجيلو من بلاد بعيده علشان يسألوه الغريب ف الموضوع انو مكنش بيسب سؤال غير لما يجاوب عليه …مجموعه من الطلبه استغربو فقالو انا لازم نمتحن العالم ده

علشان نتاكد هوا بيتكلم بعلم و لا اى كلام ف اى كلام….فقالو نقولو على كلمه مش موجوده ف اللغه العربيه و نسالو عنها…راحو اخدو اول كل حرف من أسمائهم كلهم و طلعت كلمة ((الخنفشار))_و طبعامفيش حاجه اسمها الخنفشار نهائى_فقالولو:ما تقول ف الخنفشار؟و من غير ما ياخد نفسو او يسبهم يشرحولو السؤال جاوب بسرعة البرق قائلا: الخنفشار نبات ينبت فى بلاد ما وراء النهر و هو نبات جيد الرائحه …قال الشاعر


و حبكم ف قلبى مستطير…كحب الأرض حب الخنفشار

و قال على بن أبى طالب (عليكم بالخنفشار فان فيه الخير)

و قال رسول الله_صلى الله عليه و سلم_….قالولو بس هنا وقف ..كدبت عالشاعر و كدبت على على بن أبى طالب عاوز كمان تكدب عالنبى …كفااااااااايه
فالفكره يعنى ببساطه متتكلمش ف حاجه انتا مش عارفها و حضر الموضوع كويس قبل ما تتكلم عنو.


2/اختيار الموضوع حسب ثقافة المتلقين: و دا شرط مهم جدا لازم تحافظ عليه ..يمعنى انك مينفعش تتكلم عن الطاقه النوويه و خطورتها على الكره الأرضيه..مع واحد مش بيعرف يقرى و لا يكتب
و دا بيفكرنى بواحد كانت امو بتحبو جدا جدا من دون اخواتو فواحد بيسالو ايه سر الحب ده قالو ..انا عارف مفتاح والدتى …والدتى ست بسيطه زى اى ست بتحب تتكلم مين اتجوزت و مين اتلقت و مين اتخطبت و يمن ماتت ….الخ

فانا بتكلم معاها ف المواضيع دى علشان كده بتاخد و تدى معايا و بتحبنى
اما اخواتى فعلشان كلهم ليهم علاقه بالسياسه بيجو يكلموها فأوضاع البلد و الديمقراطيه و الاسس الاستراتجيهو علاقتها بالسياسيه الخارجيه و العلاقات الدبلوماسيه…..فهيا اصلا مش بتحب الكلام ده و كمان مش بتفهمو….....و زى ما بيحكوا عن طبيب راح يدى محاضره طبيه فى باديه و صحراء و اتكلم عن موضوع بسيط خالص و هوا ((فوائد التفاح))اتكلم عن فوائد التفاح لجهاز المناعه و فوائد التفاح

للبطن .......الخ بس ف الاخر كان فى واحد قاعد راح سألو سؤال مهم ((مهم جدا))قال يا دكتور هوا التفاح دا بيولد و لا بيبيض؟؟؟..... ......علشان كده شوف اللى بتكلمهم دول ثقافتهم ايه و اتكلم معاهم حسب ثقافتهم.


3/اختيار الموضوع حسب حاجات المستمعين: و كمان شوف الناس للى انتا هتكلمهم محتاجين لايه و كلمهم فيه و متخترش الموضوع اللى انتا محتاجو
لاء ..اختار الموضوع اللى الناس محتجاه و اتكلم فيه ..و دا هيفيدك جدا.

4/اختيار الموضوع حسب الزمان: يعنى حاول كلامك يكون مناسب للوقت و الزمن اللى انتا بتتكلم فيه…يعنى لو انتا داعيه مثلا ..متتكلمش ف موضوع الحج و احنا ف رمضان مثلا.

5/اختيار الموضوع حسب المكان: يعنى بكل بساطه متتكلمليش عن كيفية التأقلم مع البلاد الشاطئيه التى تطل على الشاطىء مع ناس بدو عايشين ف الصحرا و عمرهم ما شافو حاجه اسمها شاطىء.

6/اختيار الموضوع حسب الأحوال المستجده: و دى حاجه مهمه جدا..يعنى
مينفعش تتكلم عن الدبلوماسيه مثلا و احنا ف حالة حرب..حاول تخلى كلامك مناسب للحجات المهمه اللى حاصله مع الناس اللى انتا بتكلمهم.

و طبعا فى عناصر أخرى لاختيار الموضوع الجيد ....بس دى أهم النقاط اللى حابب اتكلم فيها .


و مسألة إختيار الموضوع .......مسأله مهمه جدا جدا جدا......بس الأهم منها .....بعد ما تختار الموضوع الجيد المطلوب منك انك تكتبو ......بس تكتبو ازاى .......هوا دا اللى هنعرفو فى المقال القادم ((إن شاء الله)) .....و جزاكم الله خيرا و بارك الله فيكم ..............و السلام عليكم و رحمة الله.

fares_al_sonaa20

عدد المساهمات : 61
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دورة ((بقلمى)) الموضوع الأول ((كيف تختار موضوعك))

مُساهمة من طرف حياة جديدة مع الله في الثلاثاء نوفمبر 29, 2011 7:40 pm

وعليكم السلام ورحمه الله وبركاته

اللهم بارك موضوع جميله جزاكم الله كل الخير
ولو كان مسموح لى ان اضيف بعض النقاط
من اهم الاشياء لنجاح الموضوع من نظرى

1- محاوله اختيار عنوان للموضوع يشد القارئ ببعض الاوقات نختار عنوان ليس له علاقه بالموضوع والبعض الاخر نختار عنوان مفهوم لدرجه ان القارئ من قرائته للعنوان يعرف محتوى الموضوع فلا يدخل لقراءته
2_ عدم الاطاله بطرح الموضوع
3- تزين وترتيب الموضوع حتى لا يشعر القارئ بالملل

وجزاكم الله الفردوس وننتظر استكمال الموضوع
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دورة ((بقلمى)) الموضوع الأول ((كيف تختار موضوعك))

مُساهمة من طرف fares_al_sonaa20 في الثلاثاء نوفمبر 29, 2011 8:25 pm

جزاكم الله خيرا اختى الفاضله على هذه التنبيهات المهمه للغايه
و ما شاء الله حضرتك عندك بعد نظر فسبقتينا .....لاننا هنتكلم عن التبيهات الخاصه باختيار العنوان فى موضوع خاص باختيار العنوان
و التنبيه التانى و التالت كنا هنتكلم عنو ف اخر موضوع .
ف جزاكم الله خير الجزاء على مروركم الطيب.

fares_al_sonaa20

عدد المساهمات : 61
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى