دورة ((بقلمى)) الموضوع الثانى ((أهميةصياغة الموضوع))

استعرض الموضوع السابق استعرض الموضوع التالي اذهب الى الأسفل

دورة ((بقلمى)) الموضوع الثانى ((أهميةصياغة الموضوع))

مُساهمة من طرف fares_al_sonaa20 في الأربعاء نوفمبر 30, 2011 10:19 pm

الحمد لله رب العالمين و الصلاة و السلام على اشرف المرسلين و على اله و صحبه وسلم اجمعين :
اما بعد ...... / فهذا هو الموضوع الثانى من دورة ((بقلمى)) التى نتمنى أن يستفيد اى احد و لو كان شخصا واحدا .....فإن هذه المسأله من الأهمية بمكان و تستحق العناء .....و قد تكلمنا فى الموضوع الأول
عن ((بعض)) الاساسيات و القواعد التى يتم من خلالها إختيار الموضوع ‘ختيارا جيدا و تركنا سؤالا مفتوحا فى اخر المقال الاول ألا و هو .....بعد ما تعرفت على قواعد ‘ختيار الموضوع كيف تكتب الموضوع و كيف تصيغه صياغة جيده ؟؟؟ و هذا الموضوع مخصص للإجابة على هذا السؤال .....فنقول :
افترضنا انك طبقت كل الشروط الضروريه لاختيار الموضوع المناسب و الجيد …و جمعت كل المعلومات
تعمل ايه تانى؟ المفرض انك تكتب الموضوع علشان ميبقاش مجرد فكره و راحت
فالطبيعى انك تكتب الموضوع بطريقه معينه …كتابة الموضوع بنسميها
((صياغة الموضوع))و دى نقطه مهمه لدرجة متتخيلهاش…و دا سبب انك تلاقى ناس افكارها منطقيه جدا و جميله جدا و الناس بترفض الافكار دى يمكن السبب هوا الطريقه اللى بيتكلمو بيها اللى احنا بنسميها ((صياغة الموضوع))….و خلينى اقولك مثال مهم جدا بس حاول تركز عليه أكتر:
لو تخيلنا واحد ميعرفش حاجه عن عسل النحل و سألنا هوا ايه عسل النحل ده اللى بتتكلمو عنو و بيجى من فين…..خلى بالك من الاجابتين اللى جايين:
1/عسل النحل ده بيطلع من النحله بعد ما تاخد الرحيق و تعدى بيه على الورود الجميله و طعمو جميل جدا و مفيدو و فى ناس بتسميه _شهد_من كتر طعمتو. ((دى الاجابه الاولى))2/عسل النحل ده سائل اصفر متماسك و ملزق و النحله اللى هيا حشره صغيره و سودا بترجعو من بؤهاو بعد كده انتا بتشربو… ((دى الاجابه التانيه..و انا اسف على الطريقه دى اكيد معجبتكش و يمكن هتبطل تاكل عسل بسبب الطريقه دى …بس دا دليل قوى جدا على الكلام اللى انا بقولو…شوفت ممكن بأسلوبك تغير الحاجه360درجه)) علشان كده الشاعر بيقول :
تقول هـذا شهد النحل تمدحـه وإن شئت قلت ذا قيء الزنابير
مدحاً وذماً وما جاوزت وصفهما والحق قد يعتريه سوء تعـبيـر
علشان كده مرحلة صياغة الموضوع مرحله خطيره جدا و حساسه للغايه
لانها ببساطه ممكن تخلى الناس ترفضك و ممكن تخلى الناس تحبك و تقبلك
لأن علماء المنطق بيقولو ((الألفاظ لباس المعانى))بمعنى ان الالفاظ دى عباره عن لبس للمعانى اللى جواك ….انتا ممكن تختار لبس كويس يعجب الناس و يشدهم و يتأثرو بيه و ممكن تختار لبس مقطع و وحش ميعجبش الناس و الناس تكرهو و تكرهك…علشان كده خليك فاكر كويس
ان صياغة موضوعك زى اللبس بالنسبالك….شوف هتلبس موضوعك ايه.
و بدام عرفنا اهمية ((صياغة الموضوع)) يبقى السؤال اللى بيطرح نفسو
….ازاى بقى تصيغ موضوعك صياغه جيده هوا ده اللى هتعرفو ….علشان كده المفروض انك تركز اكتر ف المقاله دى علشان هيا بجد فى غاية الأهميه و ممكن تكون هيا اهم نقطه ف الدوره كلها.
ازاى تكتب موضوعك كتابه جيده و كويسه ؟ و ايه هيا عناصر الموضوع الناجح ؟ و ازاى تخلى اللى بيقرى موضوعك يفضل يقراه لحد ما ينتهى ؟ جاهز تعرف اجابة الاسئله دى ؟
خليك جاهز كده ......و ان شاء الله مستنيك ف الموضوع اللى جاى من الدوره .



حياتى قبل تحياتى........و السلام عليكم و رحمة الله و بركاته.
كان معكم :

محبكم بلا ريب الداعى لكم بظهر الغيب / fares_al_sonaa20

fares_al_sonaa20

عدد المساهمات : 61
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دورة ((بقلمى)) الموضوع الثانى ((أهميةصياغة الموضوع))

مُساهمة من طرف حياة جديدة مع الله في الخميس ديسمبر 01, 2011 9:48 am

وعليكم السلام ورحمه الله وبركاته

جزاكم الله كل الخير وبانتظار استكمال الموضوع القيم
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى