دورة ((بقلمى)) الموضوع الثالث ((صياغة المقدمه))

استعرض الموضوع السابق استعرض الموضوع التالي اذهب الى الأسفل

دورة ((بقلمى)) الموضوع الثالث ((صياغة المقدمه))

مُساهمة من طرف fares_al_sonaa20 في الخميس ديسمبر 01, 2011 11:50 pm

الحمد لله رب العالمين و الصلاة و السلام على اشرف المرسلين و على اله و صحبه و سلم اجمعين

أما بعد : فهذا هو الموضوع الثالث من دورة ((بقلمى)) التى نسعى من خلالها الوصول الى الكاتب المتميز و الكاتبه المتميزه ....و التى نتمنى من قلوبنا ان يستفيد منها كل من يكتب مواضيع على الشبكة العنكبوتيه ........لذلك...نقول أنه فى الموضوع الثانى تكلمنا عن أهمية صياغة الموضوع و لكن بقى السؤال مفتوحا .....كيف تكتب الموضوع كتابة جيده ؟؟؟...و للإجابة على ذلك نقول :


حاجه معروفه …ان الموضوع بينقسم الى تلات اجزاء اللى هيا :

1/المقدمه. 2/الموضوع. 3/الخاتمه.


و لكل جزء من التلات أجزاء دى اهميه معينه و اساليب معينه علشان توصل لأكبر درجة نجاح فى عرض فكرتك و تلبس فكرتك اللبس الرائع.


1/المقدمه : خلينا نتكلم شويه عن المقدمه اللى هيا ممكن تكون فى وجهة نظر البعض انها اهم حاجه فى صياغة الموضوع …ليه؟


لأن مهمتها انها تشد انتباه المتلقى ….لانك لو معرفتش تجذب انتباه الانسان اللى بيسمعك او بيقرالك ..يبقى خلينى أقولك ألف ألف مبروك الناس مش هتفهم منك و لا حاجه و هتفضل تتكلم تتكلم و انتا ف وادى و الناس فى وادى تااااااااااانى خاااااااالص…..و على النقيض لو انتا عرفت تجذب انتباه الناس اللى قدامك يبقى اكيد فكرتك هتوصل للناس لانهم هيكونو مركزين و منتبهين معاك اشد الانتباه و دا تركيزهم دا بيخليك تتكلم….لانو انتا متقدرش تتكلم و محدش مركز معاك _هيبقى منظرك وحش جدا_
علشان كده المفروض تجذب انتباه اللى قدامك ……طيب ازاى ؟


أ/ جذب الانتباه بأسلوب الإضمار و الخفاء و عدم الوضوح : بمعنى انك تحاول تتكلم بأسلوب ميدلش انتا عاوز توصل لايه او بتتكلم عن ايه او عن مين …و طبعا انتا مش هتكمل كلامك كلو كده …انتا بس هتتكلم بالطريقه دى لمدة بسيطه جدا تجذب بيها الانتباه و بعدين تدخل ف الموضوع و ترجع تتكلم طبيعى….و مثال على الكلام ده اعلان ((سان بايتس احلى وجبه خفيفه))

يمكن شوفت الاعلان دا او مشفتوش علشان كده خلينى اقولك هوا بيبتدى ازاى…….الاعلان بيبتدى تقريبا و بيقول حاجه زى كده..((…..شويه من الدقيق الصافى و زتون متنقى بالايد و خفة القمح الدهبى يتخبزو ف الفرن و يطلعلنا احلى وجبه خفيفه …سان بايتس))ايه اللى حصل….هوا لما هيقولك ((دقيق صافى و قمح و زتون و كده))انتا جواك هتسأل هوا ايه دا؟او هوا عاوز يوصل لايه؟او ايه اللى هيحصل ف الاخر؟اسئله زى كده…و الاسئله دى هتخليك تركز معاه اكتر و أكتر ….هيا دى فكرة اسلوب الاضمار و الخفاء….علشان كده الاعلان دا جذب انتباه ناس كتير منهم انا…اما بقى لو الاعلان بالطريقه دى ((سان بايتس يتكون من زيتون و قم و دقيق و مش عارف ايه…))اكيد مش هيجذب انتباهك ..صح؟

ليه ؟…لانو قال المقدمه بوضوح للغايه و دا مينفعش ف المقدمه….وصلت فكرة استخدام أسلوب الاضمار ؟….لو موصلتش ....ركز اكتر ف المثال ده ....و المثال ده ممن اوتى جوامع الكلم_صلى الله عليه وسلم_ فى خطبة وفاته _صلى الله عليه وسلم_بأبى هو و امى و روحى و نفسى _صلى الله عليه وسلم_قال (( أن عبدا خيره الله بين مفاتح الدنيا و الخلد فيها و بين الرفيق الأعلى فاختار الرفيق الأعلى.......)) من هو هذا العبد؟ و متى خيره الله؟ و لما خيره الله؟ و لما اختار الرفيق الأعلى ؟ كل الأسئله دى بتدور فى ذهن أى حد بيسمع الكلام ده.......ليه ؟ لأن النبى عليه الصلاة و السلام تكلم بأسلوب الإضمار و الخفاء......هوا دا أسلوب الخفاء ببساطه شديده.

و المفاجئه انو جه الوقت انك انتا كمان تستخدمها ….فكر هتستخدمها ازاى؟

ب/جذب الانتباه عن طريق سؤال يحرك الاذهان: عارف امتى هتنجح ف حياتك؟ طيب عارف أمتى هتوصل للى انتا عاوزو؟ طيب سيبك من دا كلو
أقولك ماتش الاهلى الجاى هيبقى الساعه كام؟…..أسئله عاديه و بسيطه
مهمتها انها تجذب الانتباه …يعنى حاول تشوف الفرق بين السؤال اللى هوا
عارف امتى هتنجح ف حياتك؟….و ما بين …الحجات اللى بتنجحك ف حيتك هيا كذا و كذا ….انتا طبعا ممكن تركز ف الاتنين بس انهى اللى هيشد انتباهك اكتر ….الطبيعى السؤال ….ليه؟ علشان السؤال يحمل فى ذاتو معنى شد الانتباه لانى لما اسالك سؤال الطبيعى انك هتحاول تجاوبنى عليه او هتستنانى اجاوبك انا ….و دا بيشد انتباهك و بيخليك مركز معايا.


و صلت فكرة جذب الانتباه بسؤال ؟ .....لو موضحتش ....لاحظ انك بتركز اكتر دلوقتى علشان يوضحلك اكتر......سيدنا رسول الله صلى الله عليه وسلم ....كان كثيرا اذا أراد أن ينبه على شىء هام ....يبتدأه بسؤال ....يعنى مثلا .....لما أراد أن يتكلم صلى الله عليه وسلم عن قبح الغيبة و حرمتها ....كانت بداية الفكرة بالسؤال ((أتدرون ما الغيبه))....و زى حديث ((أتدرون من المفلس)) و مثل هذه الأحاديث
و دى نقطه مهمه جدا .....جذب الانتباه بالسؤال لأن
السؤال طبيعتو جذب الانتباه ….هيا دى الفكره بكل بساطه.
و حاول تتخيل هتستخدم دا ازاى فى مواضيعك او فى كلامك مع الناس.


ج/جذب الانتباه بقصه مثيره :.....أقولك على قصه؟...... سبحان الله ….القصه فيها حاجه غير عاديه و بجد متتوصفش فى جذب الانتباه …و دا اللى بتحسو بنفسك لما تلاقى حد بيقولك(( أحكيلك قصه))؟او ((انتا مش عارف القصه بتبتدى ازاى))؟...او ((بص هيا القصه كالاتى))؟
و ده بنلاقيه كتييير جدا جدا فى سيرة حبيبنا النبى عليه الصلاة و السلام.....كان دائما ما يقول صلى الله عليه وسلم((كان فيمن كان قبلكم...........))

كل الفكره ....القصه فيها جاذب غير عادى للإنتباه......فكر تستخدم الفكره دى ازاى؟


د/استخدام الأرقام فى جذب النتباه: لو قولتلك ((خمسه كيلو متر و اربعين متر هوا دا طول اللى بيدخنها المدخن العادى فى عشر سنوات))

دا احسن و لا اقولك((المدخن العادى طول السجائر اللى بيدخنها …..))
الطبيعى انك هتقول الطريقه الاولى ….ليه؟ لان علماء أصول الفقه بيقولو ((أالعدد لا مفهوم له))
بمعنى انو ملهوش معنى …يعنى لو قولتلك ((7))فهمت ايه انتا بقى؟

و لا حاجه ….هوا دا قصدى بجملة العدد لا مفهوم له….و مدام العدد لا مفهوم له يبقى نوع من الغموض اللى احنا اتكلمنا عنو من شويه…و مدام هوا نوع من الغموض يبقى أكيد هيشد انتباهك.
و/الافتتاح بالاوصاف لجذب الانتباه : و الاوصاف نوع من انواع الغموض و علشان هيا نوع من انواع الغموض فهيا بتجذب الانتباه

بمعنى ….ايه رأيك لو هكلمك عن الناس ف الصومال و هقولك :

((الاف من البشر يلتحفون السماء و يفترشون الغبراء أجسادهم عاريه لا يجدون ما ياكلوت بل تأكلهم الشمس بلهيبها……….هذا هو حال اخوانكم ف الصومال البلد المسلم))

الطريقه دى أحسن و لا لو قولتلك((الناس فى الصومال جائعين و لا ياكلون و لا يشربون…..)) الطبيعى ان الاحسن الأسلوب الأول …..ليه؟

علشان استخدمنا الغموض بطريقة الاوصاف ….بمعنى انى اقولك اوصاف فى اوصاف فى اوصاف و بعدين اقولك ايه اللى انا عاوز اوصلو...............فكرة الابتداء بالاوصاف مهمه من ناحية

انتا مستنى للمغزى و المهم من الموضوع….علشان كده انتباهك بيزيد.....هيا دى خلاصة الفكره.
ى:الابتداء بدعابه او أسلوب لطيف: و دى نقطه مهمه جدا بس للاسف محدش بيستخدمها كتير لأن بعض الناس شايفه ان مينفعش تكون بتتكلم ف مقال مثلا بحاجه خفيفه او دعابه ..نكته مثلا….او انك تقول حاجه بجد باسلوب هزار شويه….بس انا و غيرى شايفين انو مش عيب اطلاقا انك تبتدى بحاجه لطيفه علشان انتا و انتا بتبدى كلامك اللى بيقرالك او اللى بيسمعك _غالبا_بيكون بالو مشغول بحاجات تانيه مما يقل استيعابو لكلامك

و الضحك بيزود الاستيعاب 14مره زى ما بيقول الدكتور ابراهيم الفقى.
الخلاصه….انك علشان تصيغ الموضوع صياغه كويسه المفروض تعمل لموضوع مقدمه …و المدمه فكرتها

و اهميتها جذب انتباه المستمع او القارىء….تجذب انتباهو ازاى؟ بعدة أساليب …منها :

أ/ جذب الانتباه بأسلوب الإضمار و الخفاء و عدم الوضوح.

ب/جذب الانتباه عن طريق سؤال يحرك الاذهان.

ج/جذب الانتباه بقصه مثيره.

د/استخدام الأرقام فى جذب النتباه.

و/الافتتاح بالاوصاف لجذب الانتباه.

ى:الابتداء بدعابه او أسلوب لطيف.

و غيرها كتير من الاساليب .......المهم ف الموضوع اننا عرفنا(( بعض )) أساليب عمل مقدمه لموضوعك علشان تجذب بيها الانتباه ….
بس فى حاجه مهمه جدا جدا جدا جدا جدا ((تقول جدا لحد بكره)) ايه هيا :

محاذير ف المقدمه :

أولا : لا تزيد المقدمه عن 10بالمائه من الكتله العامه للموضوع : بمعنى انك تلاقى بعض الناس يفضل يقول مقدمه طويييييييله للغايه و فيها اشعار و فيها احاديث و فيها و فيها.......الناس هتنام منك و الله
اوعى تكتر اف المقدمه.

ثانيا : اياك و الاعتذار ف المقدمه : بمعنى انك مينفعش تقول كده مثلا (( انا عاوز اتكلم ف موضوع مهم بس للأسف الشديد انا مش محضر فيه كويس و يعنى اصلا الموضوع ده كان صعب ف الفهم عليا بس اعمل ايه إدارة المنتدى طلبت منى انى اتكلم كده ....ف نتوكل على الله و نقول.........)) دى بدايه لا تصلح بكل معنى كلمة ((لا تصلح)) لانك بكده بتعمل عكس المطلوب منك....المقدمه المطلوب منك فيها انك تجذب انتباه القارىء انتا كده خليت اللى بيقرالك يكرهك و يكره الموضوع و يحس انك مش فاهم حاجه ف الموضوع ....طيب عاوزو يكمل قرايه ازاى يعنى.؟؟؟!!!

علشان كده لا تعتذر مثل هذه الاعتذارات فى بداية الموضوع.........مين عارف يمكن الموضوع اللى انتا مش محضرو ربنا يوفقك فيه بطريقه متتخليهاش .....و دا بيحصل لناس كتير منهم انا ...اكتر من مره مكنش محضر و اتكلم و ربنا يفتح......سبحان الله....لدرجة انى فكرت محضرش اى حاجه و اتكلم على طول.......كل الفكره اللى عاوز اقولها ((لا تعتذر ف المقدمه)) ابتدى و ربنا هيفتح عليك ....طيب لو اتلخبطت و كده ....مفيش مشكله اعتذر ف الاخر و اقول سبب لاعتذارك بس فى المقدمه ((لا لا لا))

ثالثا : لا تذم قارئيك او مستمعيك : يعنى مينفعش تقول ف المقدمه (( و الله انا عارف ان الموضوع دا صعب على امثالكو و انتا اساسا موصلتوش لدرجة انكم تسمعو للموضوع ده و انا عارف و متأكد ان محدش فيكم هيفهم اهمية الموضوع ده بس نعمل ايه ....ندخل ف الموضوع و امرنا لله و نقول......))
المقدمه دى مش هتجذ الانتباه اطلاقا ....دى هتجذب لكميات و احذية المستمعين .......اياك تذم قارئك او مستمعك.اياك اياك اياك.....امال تعمل ايه؟

رابعا : اثن على قارئيك او مستمعيك : بمعنى انك مثلا تبتبدى و تقول ((...اما بعد ...يعلم الله مدى سعادتى اكتب موضوع فى هذا المنتدى المتميز و الذى اعلم ان اعضاءه على قدر كبير من الفهم ما شاء الله ......و شرف لى ان اتكلم معهم .......و مثلى مثل من يبيع التمر لاهل المدينه او يبيع زمزم لأهل مكه.....فأنا فقط كتبت هذا الموضوع لاتشرف بان اتشرف بقرائتكم لموضوعى...........))كده يعنى.........لان الانسان عادة يطرب و يفرح بالمدح .

….لو عايز تعرف اساليب اكتر و تفهم اكتر …..يبقى اكيد لازم تكون عارف ان المفروض انك تكمل قرايه علشان متضيعش على نفسك معلومات انتا فى أشد الحاجه ليها..........بس فى نقطه مهمه جدا
خلاص عملت مقدمه مهمه و مقدمه جيده و مقدمه جاذبه للإنتباه.......طيب السؤال بقى......جذبت الانتباه اللى بيقرالك و شديت انتباهو......تعمل ايه تانى ؟ تفضل تشد تشد الانتباه لحد ما يتقطع ((صح؟))...طبعا لا مش صح.....المفروض انك تاخد الانتباه ده و تخليه يدخل على صلب الموضوع و هوا مستمع او قارىء و متفهم لكلامك......طيب ازاى ادخلو فى صلب الموضوع و ايه هيا الأفكار اللى بتقدمها الدوره فى صلب الموضوع حتى يكون اكثر جوده ؟؟؟ هوا دا اللى هنعرفو ف المقال اللى جاى
مستنيك ف الموضوع اللى جاى .....و ميفوتش عليا ان اعتذر على الاطاله بس الموضوع فعلا كان محتاج للإطاله دى......كامل حبى و تقديرى لك على قراءة موضوعى حتى نهايته.


و جزاك الله خير الجزاء عنى ..............و السلام عليكم و رحمة الله و بركاته.

كان معكم .......محبكم بلا ريب الداعى لكم بظهر الغيب /fares_al_snaa20

fares_al_sonaa20

عدد المساهمات : 61
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: دورة ((بقلمى)) الموضوع الثالث ((صياغة المقدمه))

مُساهمة من طرف حياة جديدة مع الله في الجمعة ديسمبر 02, 2011 9:45 am

وعليكم السلام ورحمه الله وبركاته

جزاكم الله الخير كله فعلا الموضوع جميل ومهم
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى