اياك والطمطمية البايظة

استعرض الموضوع السابق استعرض الموضوع التالي اذهب الى الأسفل

اياك والطمطمية البايظة

مُساهمة من طرف حياة جديدة مع الله في السبت فبراير 25, 2012 12:28 pm

عمك أبو خليل شايل 20 كيلو طماطم على قلبه

وطالع الشقة

أم العيال ياااأم العيال

أيوه ايوه جايه اهوه

المهم شالت القفص

وحطته فى المطبخ وفتحته لقت

كله أحمر وجميل خالص مالص

بس كان فى واحدة بايظة خالص

شالتها وحطتها على الطربيظة ونسيت ترميها فى الزبالة


وخرجت تكلم أبو خليل

نسبهم مع بعض كده جلسة رومانسية عن الطماطم

نروح احنا تانى المطبخ تلاقى خليل بسلامته دخل للمطبخ

لقى القفص الطماطم حمرة وجميلة

ولقى الطمطمية البايظة برا

وطبعا لونها بايظ وجلدها مكرمش

قالها يا حبيتى قاعدة لو حدك بره ليه

أنتِ بتعيطى وكمان جالك جفاف

طب خلاص متزعليش

شالها رجعها تانى اصل قلبه خساية

أنا هرجعك تانى حضنهم علشان تدفى جوه مع أخواتك حطتهافى وسطهم وروح


دخلت أم العيال بعد الجلسة الرومانسية عن الطماطم وجمالها

غطت الطماطم وسبتها لوحدها يومين

رجع بتفتحها لقتهم كلهم باظوا

لاحول ولا قوة الا بالله

ايه اللى حصل

دول كانوا زى الفل مكنش فيه غير واحدة بايظة واترمت

نسيب أم العيال كده بعد العزاء ليهم طبعا فى الطماطم

أنت بقى يا عمونا

زى الطماطم بل يمكن حالتك أصعب
لانهم كتير واحدة بس اللى بايظة

حضرتك يا عم الكشكول

لما بدأت تقرب من ربنا والحمد لله
بدأت خطوات فى الالتزام بفضل الله

لسه ماشى مع شلة الانس ليه

تقولى ده أصحابى من أيام الطفولة والانتيم بتوعى

هقولك أنت ممكن متخدش بالك وترجع تانى بسببهم للاسف


هقولك مثال بسيط

تخيل واحد وراه امتحان بكره

وقاعد يذاكر ويذاكر

فجأة لقى تيلفون من صاحبه بيقوله تيجى نتغدى برا

هيقوله أنت ايه فى امتحان بكره

رجع تانى يذاكر

شويه أصحابه كلهم معدين عليه من تحت البيت

يلا يا عم احنا راحين النادى

أنتوا ايه فى امتحان بكره

شويه تلاقى واحد تانى تيجى نتفس شويه كده برا

أنت ايه فى امتحان بكره

شويه وشويه

المهم فى الأخر بالله عليك مش هينزل فى الاخر معاهم

من كتر الناس المكبرة دماغها

صح ؟؟

مبالك بقى ده امتحان الاخرة جنة او نار

قرار مصيرى

فمثلا تعد أنت مع شلة الأنس

وهم جابين سيرة السجاير وأنت لسه خلصان بعد فضل ربنا بصعوبة

أو فتحين سيرة البنات وأنت لسه لما حد بيجيب سيرة البنات

سنانك تخبط فى بعضها

ويجيلك تصلب فى شراين التنفس

أو أنتِ يا أختى لما يجى سيرة اللبس والموضة والأزياء

وأنتِ لسه يا دوبك لسه خلصان من الموضوع ده الحمد لله

فى الأخر عايز أقولك متحطش نفسك فى الفتن وتقولى ده أنا رجل

يااما ملتزمين رجعوا وانتكسوا بسبب شلة الأنس

اسمع كده كلام حبيبك النبى صلى الله عليه وسلم

"مثل الجليس الصالح والسوء ، كحامل المسك ونافخ الكير ، فحامل المسك : إما أن يحذيك ، وإما أن تبتاع منه ، وإما أن تجد منه ريحا طيبة ، ونافخ الكير : إما أن يحرق ثيابك ، وإما أن تجد ريحا خبيثة "

الراوي: أبو موسى الأشعري المحدث: البخاري - المصدر: صحيح البخاري - الصفحة أو الرقم: 5534
خلاصة حكم المحدث: [صحيح]


فبالله عليك الصحبة الصالحة ..ثم الصحبة الصالحة ثم الصحبة الصالحة


دور وأنت أن شاء الله هتلاقى بإذن الله

صحبة تعينك على طاعة الله بدل ما تفكرك بالذكريات ايها

تلاقيه يقولك أخبار صلاة الفجر ايه

أخبار وردك فى القرآن

أخبار مذكرتك

أخبار الدعاء ايه

واسمع كده قول ربى جل جلاله

وَسِيقَ الَّذِينَ اتَّقَوْا رَ‌بَّهُمْ إِلَى الْجَنَّةِ زُمَرً‌ا ۖ حَتَّىٰ إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ ﴿٧٣﴾سورة الزمر


يعنى حتى لما تدخل الجنة بإذن الله هتدخل مع الصحبة بتاعتك شوف بقى أنت صحبتك ديه

يودوك فى زمرة الجنة ولا النار


وبعدان أوعى تفتكر

أنهم بيحبوك أوووى والله أول ما تحصل مشكلة _ربنا يحفظك ياارب _هم أول الناس اللى هيتخلوا عنك

وممكن يكونوا هم السبب

صاحبي قتلني !! ( محمد الصاوي )

الجزء الاول للدرس

http://ia600504.us.archive.org/18/items/a7lahayah7/A-Sa7byKatalany.mp3

الجزء الثانى للدرس

http://ia600504.us.archive.org/18/items/a7lahayah7/B-Sa7byKatalany.mp3


ده صفة بتبان فى الدنيا قبل الأخرة

اسمع كده

الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ ﴿٦٧﴾

سورة الزخرف

أنت عارف يعنى ايه عدو يعنى أكتر حد أنت بتكره

__تقولى مش لاقى

لأ هتلقيها ان شاء

بس أنت اصدق النية مع الله

فى الأخر استعين بالله كده وادعى ربنا أنه يرزقك الصحبة الصالحة

أنا واياك
سؤال فى الأخر

من صاحبك ؟



avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اياك والطمطمية البايظة

مُساهمة من طرف الا سول الله في السبت فبراير 25, 2012 3:22 pm

جزاكم الرحيم خير على حسن الطرح وحسن استخدام الامثال ونسال الوهاب عز وجل ان يرشدنا الى حسن اختيار الصحبة والاصدقاء ويثبتنا على الصحبة الصالحة ويجنبنا الصحبة المفسدة ويجعل بيننا الفراق والابتعاد عنهم كما فرق بين المشرق والمغرب ويجمعنا بالصحبة الصالحة في الدنيا ويجعلنا احبه في ظلة ورعايتة ويجعلنا في ظلة يوم لا ظل الا ظلة اللهم امين

الا سول الله

عدد المساهمات : 57
تاريخ التسجيل : 22/02/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اياك والطمطمية البايظة

مُساهمة من طرف حياة جديدة مع الله في الأحد فبراير 26, 2012 12:46 pm

السلام عليكم ورحمه الله وبركاته

امين يارب اجمعين
جزاك الفردوس وبارك فيك وثبتك على الحق والخير
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى