لما بتـــقع .. بتعمل أيـــه ؟

استعرض الموضوع السابق استعرض الموضوع التالي اذهب الى الأسفل

لما بتـــقع .. بتعمل أيـــه ؟

مُساهمة من طرف حياة جديدة مع الله في السبت مارس 10, 2012 12:19 pm


كنت ماشية النهاردة وفجأأأأأأة


شوفت ...




شوفت اللى انتوا شايفينوه

شايفين الدانبو اللى في الصورة


وقع من على الدراجة !!


فصعب على أوى ومش متخيلة بقى دلوقتى هو عمل ايه ؟


فقلت أسألكم .. تفتكروا الدانبو بعد اللحظة دى عمل أيه ؟


ياترى نفض هدومى وعدل الدراجة مرة تانية وركب ومشى ولا كأن أى شىء حصل ؟


ولا قال : ايه الوقعة ال (..) الحلوة اللى اناو قعتها ؟

ولا يمكن قال : أكيد حد بص لى في دراجتى :
طول عمرى محسودً أنـا


أو ممكن يكون قال : حظى وحش على طول كده
كل ما اعمل حاجة تبوظ . !!


أو قال : أنا مش بنفع في حاجة حتى ركوب الدراجة اللى كل الناس بتركبها بسهولة وقعت من عليها !!


ليه .. ليه.. ليه




عم الدابو ده اصله مزاجه مش تمام النهاردة


لانه كان ممكن بدل كل ده يقول : الحمد لله ويرتاح


كان لازم فعلا انه يعدل دراجته ويمسحه وينظفها وينظف هدومه


ويعرف انه لسه مش محترف شوية عشان كده وقع يعنى


أو عايز دراجة ب ( سندات )

زى زمآآآآن


بس تفتكروا انه ممكن يفضل قاعد جنب دراجته ويقول


" والله ما أنا قايم بقى ايه ده هو كل مرة على كده

انا مفيش حاجة نافعة يبقى مش هعمل حاجة ويقعد يعيط


جنب ( عجلته ) .. حزين .. زعلان .. مخنوق ..


أنا أصلى فاشل فاشل واتخنقت خلاص


وأدى العجلة اللى عايز يأخدها ويمشى اتفضلوا


انا هفضل في " الهواء الطلق "

هو اللى هينفعنى "




استنــــــــــــــــوا

انا أصلى تكرمت وقولت أما أساله أول ما لقيته وقع


فسألته وقولتله :

ينفع برضو يا أستاذ دانبو الكلام اللى انت بتقوله ده ؟


هو : آه ينفع حضرتك ما خلاص بقى كل حاجة بايظة وسيبنى في حااالى

**************


طيب ما تيجى نجرب .. صدقنى اكيد في حل تانى نقدر نمشى بيه عجلة حضرتك ؟


هو : لا انا جربت كل الحلووووووووول .. مش عايز نفس .. ولا صوت
خلاص تعبت بقولك.. سيبينى.. و لوحدى من فضلك Sad

**************

طيب بس ثوانى هات أيدك مش هينفع تفضل كده على الأرض
لازم تقوم بقى بلاش هزار


هو قالى : انا مش بهزر على فكرة .. انا .. مش .. هقوم
مش .. هقوم .. هفضل على الأرض

**************

حاولت معاه بالطول والعرض وبرضو مرداش يقوم


فسيبته ومشيت حزينة جدااا عليه




قعدت افتكر اد ايه الدانبو ده كان متفوق في حاجات كتير


أد ايه واجه مواقف عصيبة


بفتكر صورته وهو بيقاوم من فوق جبل

**************

وصورته هو بيساعد" الدانبوردات "

**************

بفتكر مواقفة الرجوليه


.. بفتكر لما كان زعلان وكلنا وقفنا جنبه ..

وفجاة لقيناه قام من حزنه ومن على السرير وبدأ أنه يظهرلنا في صورة فرحااان ومبتسم أجمل ابتسامة

**************

وشوفته كمان في صورة كان بيذاااكر أوووى

**************

وشوفت صورته معاه شهادة التفوق ونجح فيها بجداااارة



وكلنا قولنا مبروووك وقتها

**************

شوته كان معاه طبق وكان عاملنا أحلى أكل وطعمه كان جميل جداااا

**************

دموعى نزلت لما قعدت افتكر كل الانجازات دى


لانه قالى : انا فاشل ومفيش حاجة نافع فيهاSad(


أزاى بقى ياعم ؟! .. انت كده بتكذب يادنبو .. اه عشان انا كنت مصوراك في كل ده


وكل الناس شاهدة على تفوقك وخبراتك اللامحدودة


هو أنت عشان وقعت من على العجلة مرة يبقى كده تلغى كل حاجة حلوة في حياتك يا دانبوووورد






استنى أنت كمان يا من تقرأ الموضوع

أنا مكنتش بتحدث عن دانبو وحده !!


انا بكلمك برضو كمان معاه


هو أنا ,, وأنتَ .. وأنتِ .. وأنتم جميعا


لما بتقـــعواااااااا في حياتك


ويحصلكم بعض " الهزات "


ليه بتحسوا إنها السقطة الأخيرة ؟


ليه بتنسوا كل حاجة جميلة في حياتكم ؟


ليه بتعتقدوا أنكم .. وفقط .. الفاشلون في هذا الكون ؟


ليه فضتم جنب مشكلتكم تبكون وتنوحون .. ؟






أصلا لما تقع وما تقومش يبقى هتفضل طول حياتك وااااقع !


طيب خلينا نتكلم بالواقع ( اللى احنا عايشينه )

**************

ماهو أنت اصلا قدامك حلين:


اما تقوم وتكمل وتظبط نفسك وتستفيد من اللى حصلك وتبدأ تجرب وتجرب وتجرب لحد ما تتعلم


أصل إزاى هتتعلم من غير ما تجرب ؟!


انا مش محتااجة افكركم " بتجارب اديسون "


اللى هو نفسه رفض يقول عليها تجارب فاشلة


عشان من غيرها مكنش هيبقى هو كــده


خليك فاكر واتعلم أن السقوط لازم يتبعه قيام





والحل التانى : أنك تظل تبكى وتشعر مشاعر

.. يأس ،إحباط ، ألم ،خوف ؛ رعب ؛ اكتئاب ..

ويمكن جنون والعياذ بالله !!!



خليك افضل قول كده لحد ما نفسك تصدق الفشل

لحد ما بعد كده تنسى اصلا كلمة نجاح

وتيجى تقول انا نجحت النهاردة في ( كذا ) ..

ترد عليك نفسك تقولك : اسكــت انت مش بتاع نجاح ياابنى !! .. أو يابنتى !!


خليك مع الحل الأول أحسن وأفضل : )





بلاش بقى تقولى : اصلى جربت


هقولك جرب تانى

**************

بلاش تقولى :زهقت


خدلك فترة استجمام بس لازم تكمل

**************

بلاش تقول : تعبت


أصلا الراحة مش في الدنيا

**************


بلاش تقول : أنا فاشل


أنت لم تطلع على علم الغيب عشان تعرف انت ايه

**************

بلاش تقول يأست:


عشان ربنا قالك لا تيأس




لحظــة :

ربنا سبحانه وتعالى خلقنا لحكمة ولم يخلق شيئًا عبثًا .. سبحــانــه



وأنت شىء .. يعنى فيه حاجات مطلوبة منك - عشان انت مش عبث قولت-


وربنا طبعا لا يكلف نفسًا الا وسعها .. فالمطلوب منك ده انت تقدر فعلا بالاستعانة بالله انك تعمله


فموضوع انك " مش نافع " ده .. كذبة وضلالة وأنت صدقتها على نفسك !






لكن الموضوع فين او المشكلة فين ؟


** أنك أصلا بتكون مش عندك استعداد تضحى
عشان تنفذ المطلوب منك **


يعنى عايز مثلا تعمل مشروع تحفة وبتخطط وكده ولكن لقيته مش نافع


عشان مثلا محتاج منك سهر وتدريب اكتر وعد دأشخاص اكتر .

**************

أو عايز تحفظ قرآن : بس مش بتدرب كويس ومش بتبطل ذنوب عشان ربنا يزقك الحفظ

**************

أو نفسك تقوم الليل : بس مش بتجاهد وتضحى بشوية نوم






* *أو اصلا محاولاتك اللى انت قولت عليها دى كانت محاولات غلط عشان كده وقعت * *


وعشان كده كل مرة بتجرب " زى ما بتقول يعنى " بترجع تانى تقع . لانك اصلا بتجرب غلط !!


**************


وهنا لازم بقى تدعى ربنا انه يرزقك البصيرة اللى تشوف بيها أخطائك وتعرف تصححها عشان ما تقعش تانى


ويزقك الســـــــــــداد = الصواب

وكمان يرزقك العلم النافع اللى يفهمك احوالك صح ويقلل من أخطائك شوية




** أو المشكلة انك من كتر أخطائك السابقة الناس فكرتها اتهزت عنك فلما تيجى تبدأ في حاجة يحبطوك وأنت تصدقهم !!!


وديمًا ده بنشوفه خاصة عند " تغيير الاخلاق "


يعنى واحد يجى يتغير من صفة العصبية للحلم


ومن اول أو 2 او أو 5 موقف يبدأ يلاقى الناس مش مصدقة منه انه مش بيتعصب زى الاول


فيقوله : معقوله مش ممكن انت اتغيرت !


وبعدين في الموقف ال10 مثلا يلاقى نفسه اتعصب واتنرفز


- لانه اكيد مش هيتغير بالكلية مرة واحدة محتااااج صبر-


يقوله : انت مش كنت اتغيرت .. يابنى مفيش فايدة انسى هتفضل طول عمرك كده !!!!!!


ومن هنــا .. يكتئب وينسى التغييير وكل حاااجة !!


ثانية :بلاش تسمع كلام الناس لانه ببساطة الكلام لا ينتهى




عشـــان كـــل اللى فـات ده بقى


لازم يكون عندك "صبــر"" وطولة بال "


**************

لازم تعيش بالأمل وتثق في الله


**************

لازم تعرف أنه في كل الأحوال هتقوم وتقاوم


**************

عشان لو فضلت زى ما أنت وبطلت تحآآآول


هتعيش حزين وحالك هيكون أسوأ من كل اللى فاااااات




وعايزين نفتكر حاجة :

أننا مش علينا أننا ندرك الهدف لكن علينا أننا نسعى


وأن ممكن دى تكون كانت أخر مرة هتسقط فيها


لكن مع استستلامك خليت حياتك كلهــا " سقوط "




على الهامش :

الدانبو لازم يقوم لانه ببساطة في الشارع..

والشارع ده. .. يعنى فيه أشياء من هذا القبيل


حشرت .. وتراب .. وأمطار وهواء .. وحيوانات ..وسيارات


تفتكروا لو استسلم لكل ده هيكون مصيره أيه غير = الهلاك !!





كلمة تعلمتها :

حياتك هتعيشها مرة واحدة فخليها أجمل حياة


وتذكر أننا في وقت الزرع نهتم فقط بما نراه الآآن


ولا نظل نبكى على الثمار التى لم تأتِ بعد


القادم أجمل إن شاء الله .. عليك "الاستعانة بالله فقط "



اللهم أعنا على ذكرك وشكرك وحسن عبادتك


والسلام علكيم ورحمة الله وبركـــاته


avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لما بتـــقع .. بتعمل أيـــه ؟

مُساهمة من طرف حبيبي يارسول الله في الإثنين مارس 12, 2012 9:51 am

الســـــلام عليــــــــــكم ورحمـــــة اللـــــه وبركاتـــــه

ما شـــــاء اللـــــــــــه

موضــــــــــوع فـــــــــــوق الممتـــــــــــــاز

ومش لاقي شئ يعبر عن رووووعـــــة الموضوع

غير اأن اقـــــــــــول

"جـــــــــــــــزاكم اللـــــــــــه كل خــــــــير على هذا الموضوع الجميل "
avatar
حبيبي يارسول الله

عدد المساهمات : 115
تاريخ التسجيل : 08/11/2011
الموقع : www.tvquran.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لما بتـــقع .. بتعمل أيـــه ؟

مُساهمة من طرف الا سول الله في الإثنين مارس 12, 2012 9:19 pm

السلام عليكم ورحمة الله وبركاتة


احسنتي اختي نور بما طرحتي


اسمحيلي اضافة بعض الايات القرانية الى موضوعك الذي اعجبني واتوق الى المشاركة فيه


Like a Star @ heaven ذكر ايات قرانية تناولت اليأس والقنوط وتحفز على التحمل والصبر والاستمرار تستنكر اليأس وكذلك القنوط منها :-


قال المولى عز وجل


{قَالَ وَمَن يَقْنَطُ مِن رَّحْمَةِ رَبِّهِ إِلاَّ الضَّآلُّونَ }الحجر56

وكذلك :-

{وَإِذَا أَذَقْنَا النَّاسَ رَحْمَةً فَرِحُوا بِهَا وَإِن تُصِبْهُمْ سَيِّئَةٌ بِمَا قَدَّمَتْ أَيْدِيهِمْ إِذَا هُمْ يَقْنَطُونَ }الروم36


وايضا من قوله تعالى:-

{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }الزمر53

وكذلك :-


{وَهُوَ الَّذِي يُنَزِّلُ الْغَيْثَ مِن بَعْدِ مَا قَنَطُوا وَيَنشُرُ رَحْمَتَهُ وَهُوَ الْوَلِيُّ الْحَمِيدُ }الشورى28


وايضا قوله تعالى :-


{يَا بَنِيَّ اذْهَبُواْ فَتَحَسَّسُواْ مِن يُوسُفَ وَأَخِيهِ وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ }يوسف87


Like a Star @ heaven اما الاحاديث فمنها :-


قال صلى الله عليه و سلم :ـ


"إن ربكم حيي كريم يستحي من عبده إذا رفع يديه إليه إن يردهما صفرا خائبتين "
رواه أحمد و أبو داود و الترمذي و اللفظ له وحسنه و قال الحافظ بن حجر : سنده جيد

وكذلك قال صلى الله عليه و سلم :ـ
" إن العبد لا يخطئه من دعاء إحدى ثلاث : إما ذنب يغفر له , و إما خير يعجل له , وإما خير يدخر له "


Like a Star @ heaven اما عن الذكر لتخلص من اليأس وتخفيف الهم والحزن


عن النبي صلى الله عليه وسلم قال : ما أصاب عبداً همّ ولا حزن , فقال :ـ

اللهم إني عبدك , و إبن عبدك , و إبن أمتك , ناصيتي بيدك , ماضٍ فّيحكمك ,

عدل فّي قضاؤك , أسألك بكل اسم هو لك سميت به نفسك أو أنزلته في

كتابك أوعلمته أحد من خلقك أو استأثرت به في علم الغيب عندك , أن تجعل

القرآن ربيع قلبي , ونور صدري , و جلاء حزني , و ذهاب همي - إلا أذهب الله

همه و حزنه , و أبدله مكانه فرجا "


[رواه أحمد و أبو يعلي و الطبراني و صححه الألباني في الكلم والسلسة الصحيحة




ووكذلك قولة صلى الله علية و سلم :ـ



ألا أخبركم بشيء إذا نزل بأحدكم كرب أو بلاء من أمر الدنيا دعا بها فيفرج عنه :ـ "

دعاء ذى النون " لا إله إلا أنت سبحانك إني كنت من الظالمين "


أخرجة الترمذي (4/260) وأحمد (1/170) و الحاكم (2/383) و صححه الحاكم

و وافقه الذهبي و قال الألباني : وهو كما قالا





موضوع جميل اعجبني وكلي ثقة ان يعجب غيري بل اتمنى

جزاكي الفردوس اختي نور واعزكي الله بعزة الاسلام








الا سول الله

عدد المساهمات : 57
تاريخ التسجيل : 22/02/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لما بتـــقع .. بتعمل أيـــه ؟

مُساهمة من طرف حياة جديدة مع الله في الثلاثاء مارس 13, 2012 3:48 pm

السلام عليكم ورحمه الله وبركاته

لا اله الا انت انى كنت من الظلمين
لا اله الا انت انى كنت من الظالمين
لا اله الا انت انى كنت من الظالمين

جزاك ربى كل الخير على مرورك الطيب واضافتك الطيبه
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لما بتـــقع .. بتعمل أيـــه ؟

مُساهمة من طرف الا سول الله في الأربعاء مارس 21, 2012 7:31 am


السلام عليكم ورحمة الله وبركاتة

بارك الله فيكي اختي وزادني من ما لديكي من علم ومعرفة وحسن تعامل

الا سول الله

عدد المساهمات : 57
تاريخ التسجيل : 22/02/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: لما بتـــقع .. بتعمل أيـــه ؟

مُساهمة من طرف حياة جديدة مع الله في الأربعاء مارس 21, 2012 12:50 pm

السلام عليكم ورحمه الله وبركاته

وفيك بارك الرحمن واحسن اليك ونفع بك يارب
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى