ماذا يدور في ذهن احمد عندما يصلي ...لن تصدق

استعرض الموضوع السابق استعرض الموضوع التالي اذهب الى الأسفل

ماذا يدور في ذهن احمد عندما يصلي ...لن تصدق

مُساهمة من طرف حبيبي يارسول الله في الإثنين مارس 12, 2012 7:21 pm

ماذا يدور فى ذهن أحمد عندما يصلى .. لن تصدق !!



سيناريو مبسط جدا لشاب يصلى فى جماعه ... ما الذى يدور فى ذهنه ؟؟




أحمد بيصلي

استغفـر الله العظيـم


إستووا.. إعتدلوا.. إستقيموا يرحمكم الله

الله أكبر..

أحمد ركز بأه في الصلاة وبلاش تسرح، طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه


الله أكبر

أحمد ركز يا أحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

سمع الله لمن حمده


ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

الله أكبر


هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس يا أحمد ركز ياأحمد إنت بتصلي، أستغفر الله

الله اكبر


أهوه أنا مركز أهوه، إنظر لمكان السجود وركز في الأيات اللي بيقولها الإمام

الله أكبر


الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد
غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

الله أكبر


هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

الله أكبر


أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

الله أكبر


السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي مده مانضفتوش

الله أكبر


الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

الله أكبر


فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل

الله أكبر


الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

السلام عليكم ورحمة الله


السلام عليكم ورحمة الله

إيه هيا الصلاة خلصت ؟

السلام عليكم ورحمة الله

السلام عليكم ورحمة الله


أستغفر الله العظيم !!!!!

بداخلها هدف ... احببت أن أضعها لكم هنا وأسأل الله ان ينفعكم بها
avatar
حبيبي يارسول الله

عدد المساهمات : 115
تاريخ التسجيل : 08/11/2011
الموقع : www.tvquran.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماذا يدور في ذهن احمد عندما يصلي ...لن تصدق

مُساهمة من طرف الا سول الله في الإثنين مارس 12, 2012 8:25 pm

السلام عليكم ورحمة الله وبركاتة


استطيع القول ان الهدف يشمل ان نتعلم التالي :-

1) الاستعداد استعاد تام للمقابلة الخالق عز وجل .

2) عدم السرحان وقت اداء الصلاة .

3) عدم اشغال الدماغ او التفكير في شي مالو اهمية زي الطعام او تفاصيل اخرى .

4) يجب النظر الى مكان السجود دون اشغالة بنظر الى امكان اخرى .

5) الخشوع التام اثناء اداء الصلاة والتفكير بان المصلي بين يدي الله عز وجل .

6) الاحراء قفل اللموبايل وذلك لعدم الازعاج او الانشغال بيه .

7) التركيز في الصلاة والتفكر في الايات القرانية



هناك الكثير لم اتطرق اليها ولكني قد حاولت ذكر الاكثر اهمية


ارجو التصحيح اخي والاضافة عن ما اضفت

جزاكم المولى خير بما قدمت

كثير موضوعك شيق ويشد الى التأمل والتفكير

الا سول الله

عدد المساهمات : 57
تاريخ التسجيل : 22/02/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماذا يدور في ذهن احمد عندما يصلي ...لن تصدق

مُساهمة من طرف حياة جديدة مع الله في الإثنين مارس 12, 2012 8:45 pm

السلام عليكم ورحمه الله وبركاته

الفكرة التى تدور حولها الموضوع
هى التشتت وعدم الخشوع فى الصلاه وهذا حال كثير منا الا من رحمة ربه
منا من يلف الكرة الارضيه فى صلاته ولو سالته ماذا احسست بعد صلاتك يقول لا شئ
فتكون الصلاه عندهم عادة وليست عبادة للقرب بها الى الله

جزاكم الله كل الخير ونفع بكم
avatar
حياة جديدة مع الله

عدد المساهمات : 479
تاريخ التسجيل : 08/11/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ماذا يدور في ذهن احمد عندما يصلي ...لن تصدق

مُساهمة من طرف الا سول الله في الأربعاء مارس 21, 2012 7:19 am


السلام عليكم ورحمة الله وبركاتة



جزاكم الرحمن خيرا لحسن اختيار المواضيع وللاضافة اختي



جعلها الله في ميزان حسناتكم

الا سول الله

عدد المساهمات : 57
تاريخ التسجيل : 22/02/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى